រាជធានីភ្នំពេញ : កញ្ញា ឌី សូនីតា តារាចម្រៀង និងសម្ដែងប្រាប់ថា នាងព្យាយាមគេចពីឈុត រោលរាលដោយការមិនទទួលថត ខារ៉ាអូខេរហូតមក ប៉ុន្ដែមកទល់ពេលនេះបាន ជ្រុលខ្លួនក្នុងឈុតនេះទាំងមិនដឹងខ្លួន មុនទៅហើយក្នុងខ្សែភាពយន្ដ ខ្នាតធំ “Why” ដែលទើបដាក់បញ្ចាំងនៅរោងភាពយន្ដធំថ្មីៗនេះ។ “ពេលទៅចុះឈ្មោះដំបូងគេឱ្យ នីតា ជាតួប្រពន្ធដើម ប៉ុន្ដែដោយគេឃើញថា នីតា ពូកែយំម្យ៉ាងយើងអត់សម តួប្រពន្ធដើម ព្រោះយើងអត់ចំណាស់គេដូរឱ្យធ្វើជាប្រពន្ធចុងវិញ ទាំងអត់ដឹងខ្លួនទាល់តែគេឱ្យ Script មកបានដឹងថា តួយើងសាហាវនិងមានឈុតឱបថើប អីចឹង ហើយ នីតា ដាក់ចិត្ដថា នឹងសម្ដែងឱ្យបាន។
“Why” ជាភាពយន្ដខ្នាតធំរបស់ផលិតកម្ម Rock
ទើបបានសម្ពោធដាក់បញ្ចាំងកាលពីថ្ងៃទី៥ កញ្ញា
ថ្មីៗនេះ។ក្រៅពីឈុតឆាករន្ធត់ព្រឺព្រួចជាច្រើនហើយ “ហេតុអ្វី”
នៅមានឈុតឆាកស្នេហាក្ដៅសាច់មួយចំនួនដូចជា
ឈុតស្នេហាលើគ្រែរវាងកញ្ញា ឌី សូនីតា ជាមួយតួឯកប្រុសលោក សូត្រ
វិទូ។
តារាមានកំណើតនៅទឹកដីខេត្ដកំពង់ឆ្នាំងរូបនេះប្រាប់ថានាងសម្ដែងខុស
ជាច្រើន ដោយសារមិនធ្លាប់។“ នីតាធ្វើខុសដល់ទី២០ដងបងធម្មតាខុសយ៉ាងច្រើនត្រឹម២-៣ដងអីទេ តែនេះដល់ទៅ២០ដង នីតា តូចចិត្ដណាស់ ហើយយំ និងសួរខ្លួនឯងថា ហេតុអ្វីសម្ដែងឈុតហ្នឹងអត់កើត ដល់ថ្នាក់អ្នកដឹកនាំដើរមកធ្វើសតិអារម្មណ៍ គាត់ថា សិល្បៈគឺអីចឹង បើយើងលេងដល់នោះគឺយើងខ្លួនយើង។
ក្រោយបានការពន្យល់ពីអ្នកដឹកនាំ ឌី សូនីតា បានដាក់ចិត្ដចូលតួរហូតសម្ដែងបានសម្រេច។ “នីតា សង្ឃឹមថា រឿងនេះជោគជ័យ ព្រោះ នីតា សម្ដែងចេញអស់ពីក្នុងខ្លួនប្រហែល ៧០% ឯណោះ សង្ឃឹមថាពុកម៉ែបងប្អូនជួយគាំទ្រ។ កញ្ញា ឌី សូនីតា មុនវិវត្ដន៍ខ្លួនមកជាតារាសម្ដែង នាងគឺជាតារាចម្រៀងរបស់ផលិតកម្មហនុមាន។ នាងត្រូវបានគេស្គាល់ច្រើនក្រោយសម្ដែងរឿងភាគរបស់កម្មវិធី “ឡូយ៩” ពិសេសគឺរឿង “ជីវិតនាងរក្សា។ សូនីតា ថ្លែងថា “បន្ទាប់ពីរឿង “ជីវិតនាងរក្សា” ហ្នឹងមក គឺមានគេស្គាល់ច្រើន ហើយមានរឿងគេទាក់ទងច្រើនមែនទែន។
ក្រៅពីហ្នឹង មានរឿង “គំនុំស្នេហ៍ចាស់” ក៏គេស្គាល់ច្រើនដែរ។ បន្ទាប់រឿង “ហេតុអ្វី?” ឌី សូនីតា ទើបបញ្ចប់ការថតរឿងភាគមួយរឿងទៀតមានចំណងជើងថា “និស្ស័យស្នេហ៍ខ្ញុំ។ តារារូបនេះ ប្រាប់ថា បន្ដពីនេះ កញ្ញា សុំសម្រាកបន្ដិចសិន។ “នាងខ្ញុំហត់ខ្លាំងពេក គឺយើងអត់មានពេលអ្វីជារបស់ខ្លួនឯង និងគ្រួសារសោះ គឺបាត់ទាំងអស់ ព្រោះយើងសម្រុកថតឡើង៣-៤រឿងជាប់ៗគ្នា អីចឹងទេសុំសម្រាកសិន ចាំដើមឆ្នាំក្រោយចាំគិតគូរឡើងវិញ”៕
No comments:
Post a Comment