អ្នកនយោបាយអ៊ុយក្រែនមួយរូបបានអះអាងថាជាជនរងគ្រោះរបស់ពួក ហ៊ែកឃឺ (Hacker) តាម iCloud បន្ទាប់ពីរូបស្រាតរបស់នាងបានលេចធ្លាយតាមអនឡាញ។ នេះបើយោងតាមវេបសាយដេលីមែលចេញផ្សាយថ្ងៃទី ២៣ ខែកញ្ញា។ ទោះយ៉ាងណា បេក្ខភាពសភា នាង Olga Lyulchak និយាយថា នាងគ្មានអ្វីត្រូវខ្មាស់អៀនចំពោះរឿងនេះទេ ដោយប្រៀបធៀបរូបភាពត្រេកត្រអាលរបស់នាងទៅនឹងស្នាដៃសិល្បៈមួយ ប៉ុណ្ណោះ។ រូបភាពស្រាតរបស់អ្នកនយោបាយស្រស់ស្អាតវ័យ ៣០ ឆ្នាំរូបនេះបានលេចឡើងកាលពីសប្តាហ៍មុន ដោយញ៉ាំងឲ្យមានរឿងចម្រូងចម្រាសមួយនៅក្នុងប្រទេសអ៊ុយក្រែន។ ថ្វីបើមានការរិះគន់យ៉ាងណាក៏ដោយ ក៏ប៉ុន្តែនាង Lyulchak ដែលបាត់បង់តំណែងរបស់នាងក្នុងក្រុមប្រឹក្សាទីក្រុងគៀវក្នុងការបោះ ឆ្នោតក្នុងស្រុកកាលពីខែឧសភាឆ្នាំនេះ បានធ្វើការវាយប្រហារទៅលើអ្នករិះគន់នាងវិញ។ នាង Lyulchak បាននិយាយថា ស្ត្រីដែលស្រាតក្នុងរូបភាពទាំងនោះមិនគួរត្រូវគេពណ៌នាថាអាក្រក់ នោះទេ ហេតុនេះហើយរូបស្រាតរបស់នាងគ្មានអ្វីក្រៅពីស្នាដៃសិល្បៈនោះឡើយ។
នាងនិយាយថា “ពិភពលោកឲ្យតម្លៃដល់ស្នាដៃដ៏អស្ចារ្យរបស់វិចិត្រករកំពូលៗដូចជា លោក Van Gough, Titian និងអ្នកផ្សេងទៀត។ ពួកគេបង្កើតសម្រស់ដែលស្រាតននលគក ដែលមានគេកោតសរសើរ”។ នាងបន្ថែមថា “ក្នុងជំនាន់និងសម័យកាលរបស់យើង ស្ត្រីដែលបង្ហាញរូបស្រាតត្រូវគេចាត់ទុកថាថោកទាប និងគ្មានកេរ្តិ៍ខ្មាស់។ ខ្ញុំមិនយល់រឿងនេះទាល់តែសោះ។ ខ្ញុំគិតថារូបស្រាតទាំងនោះគឺជាស្នាដៃសិល្បៈដ៏បរិសុទ្ធ”។ នាង Lyulchak កំពុងឈរឈ្មោះសម្រាប់ការបោះឆ្នោតប្រជែងជាមួយនឹងគណបក្សសម្ព័ន្ធ ប្រជាធិបតេយ្យអ៊ុយក្រែនដើម្បីការកែទម្រង់របស់អតីតជើងឯកប្រដាល់ ទម្ងន់ធ្ងន់ Vitali Klitschko។ រឿងគួរឲ្យចៃដន្យគឺថា គូដណ្តឹងរបស់បងប្រុស Klitschko គឺតារាភាពយន្តអាមេរិកនាង Hayden Panettiere ក៏មានពាក្យចចាមអារ៉ាមថាក្លាយជាជនរងគ្រោះនៃការលួចទិន្នន័យក្នុង iCloud ដែរ។ ការបោះឆ្នោតសភាអ៊ុយក្រែននឹងប្រព្រឹត្តទៅនៅថ្ងៃទី ២៦ ខែតុលា ឆ្នាំ ២០១៤៕
No comments:
Post a Comment